Updates
Registration open for, Exploratory Monsoon Trek in Puttur (Dakshin Kannada Dist)

Monday, September 6, 2010

ಹಚ್ಚ ಹಸಿರ ನಡುವೆ ಹುಚ್ಚು ಹುಡುಗರ ದಂಡು...
                           ಬೆರಗಾದರು ಪ್ರಕೃತಿಯ ಸೊಬಗ ಕಂಡು....

                           ಮನದ ಕಲ್ಮಶವನೆಲ್ಲ ಬದಿಗೆ ಬಿಟ್ಟು....
                           ಎರಡು ದಿನ ನಿರ್ಮಲತೆಯ ದೀಕ್ಷೆ ತೊಟ್ಟು...
                           ದಿಟ್ಟ ಹೆಜ್ಜೆಯ ಹಾಕುತ ಮುಂದೆ ನಡೆದೆವು...
                           'ಅಸ್ವಿನ್ದತಿ' ದರ್ಶನಕೆ ಕಾತುರದಿ ಕಾದೆವು...          || ಹಚ್ಚ ಹಸಿರ...||

                           ಕತ್ತಲಾಗುತ್ತಲೇ ಕೊಂಡದಮ್ಮನ ಮಡಿಲ ಸೇರಿದೆವು...
                           ಪರಿಚಯ ಪ್ರಶ್ನೋಥರದಿ ಆಡಿ ನಲಿದೆವು...
                           ಮರದ ಅಡಿಯಲಿ,ಮರೆಯದ ದಿನವ ನೆನೆಯುತ...
                           ಚಂದ್ರ-ತಾರೆಯರೊಡಗೂಡಿ  ಕನಸ ಕಂಡೆವು...    || ಹಚ್ಚ ಹಸಿರ...||

                           ಒಂದೇ ನೋಟದಿ ತುಂಬಲಾರದಷ್ಟು ವಿಶಾಲತೆಯ ಶಿಂಶ ಆವರಿಸಿತ್ತು...
                           ಜಲಪಾತದ ಭವ್ಯತೆಯ ಸೆರೆಹಿಡಿಯಲು ಕಣ್ಣು ಸೋತಿತ್ತು...
                           ಬಂಡೆಗಲ್ಲನು ಕೊರೆದು ದುಮ್ಮಿಕ್ಕುವ ಜಲಪಾತ...
                           'ಬಳಿಗೆ ಬರುವುದಾದರೆ ಬಾ' ಎಂದು ಸವಾಲೆಸೆದಿತ್ತು... || ಹಚ್ಚ ಹಸಿರ...||

                           ನದಿಯ ದಾಟುತ ಶಿಂಶನ ಸೆಳೆತವ ಸವಿದೆವು...
                           ದಡದಿ ಕುಳಿತು ತಿಂಡಿ ತಿನಿಸ ಉಂಡೆವು...
                           ಮರಳು ಹಾದಿಯಲಿ ಮರುಗುತ ಸಾಗಿತು ನಮ್ಮ ಪಯಣ...
                           ಮರುಗಲ್ಲು ಮಂದಹಾಸ ತಂದಿತು ನದಿ ತೀರದ ಯಾನ... || ಹಚ್ಚ ಹಸಿರ...||

                           ಶಿಂಶ-ಕಾವೇರಿಯ ಸಂಗಮ ಆನಂದಮಯ...
                          ಬೆಟ್ಟವ ದಾಟಿದ ಆ ನಡಿಗೆ ಆಹ್ಲಾದಮಯ...
                          ನಿನ್ನ ಪ್ರತಿಯೊಂದು ವೈಚಿತ್ರ್ಯವ ತುಂಬಿಕೊಂಡೆ ನನ್ನಲಿ...
                          ನನ್ನ ಮನಸ ನಾ ಬಿಟ್ಟು ಬಂದೆ ಜೀವನದಿ ನಿನ್ನಲಿ... || ಹಚ್ಚ ಹಸಿರ...||

                         ನಾ ಮುಂದು, ತಾ ಮುಂದು ಎಂದು ನುಗ್ಗುವ ಅಹಂಕಾರದ ಅಲೆ...
                         ಕೆಲವೊಮ್ಮೆ ಸದ್ದಿಲ್ಲದೇ ಸಾಗುವ ನದಿಯ ಸಹನೆಯ ಸೆಳೆ...
                         ನಮ್ಮೆಲ್ಲರ ಮನದ ವಿವಿಧ ಪ್ರಕಾರವ ಬಿಚ್ಚಿಟ್ಟಿತ್ತು...
                         ಭಗವಂತನ ಸೃಷ್ಟಿಯಲ್ಲಿನ ikyatheya ಸಾರಿತ್ತು...|| ಹಚ್ಚ ಹಸಿರ...||

                         ಮೌನದಿ ಆಲಿಸಿದೆ ಪ್ರಕೃತಿಯ ಒಮ್ಮೆ...
                        ಕೇಳಿತು ಕಾಣಲಾಗದ ಹಲವಾರು ಚಿಲುಮೆ...
                        ಮನವ ಮುಟ್ಟಿತು ಹಕ್ಕಿಯ ಜೇಂಕಾರ...
                        ಮುಗಿಲ ಮುಟ್ಟಿತು ಮನದ ಓಂಕಾರ...|| ಹಚ್ಚ ಹಸಿರ...||

                        ಅದೆಷ್ಟೋ ರಮ್ಯತೆ ಮಾತೆ ನಿನ್ನ ಮಡಿಲಲಿ...
                        ಬಣ್ಣಿಸಲಾಗದಷ್ಟು ಕೊರತೆ ನನ್ನ ನುಡಿಯಲಿ...
                        ಕಾಣುವಷ್ಟು ದೂರ ಕಾಣಬಲ್ಲೆ ಎಲ್ಲೆಲ್ಲು ನಿನ್ನನು...
                        ಕಾಣುವುದಷ್ಟೇ  ಸೊಬಗೇ? ಎಂಬ ಪ್ರಶ್ನೆ ಸದಾ ಕಾಡುವುದು ನನನ್ನು...|| ಹಚ್ಚ ಹಸಿರ...||

                                                                   ಮನದಾಳದ ಕವನ,
                                                                ನಿಮ್ಮ ಪ್ರೀತಿಯ ಕುಸುಮ....

1 comment :